خجیره

تعریفْ کمّه چَنْ چیزره چنون خجیره بادْمِ چش و چاچی کَمُونْ خجیره

امیر گنه: عاشقمه خجیره چیره اُونْ ماهْ، به زبُونْ هرگزْمه نُوم نئیره

مشتری سؤالْ، تاقِ ابرو خجیره به دشتِ ختا، خَیْلِ آهو خجیره

یا خضرِ نبی، ته مه‌لقا خجیره دیدار مبارک بنما، خجیره

خال و خَطْ خجیره، ته خجیرهْ چیره این شَهرْ پرْکَسْ ته خال و خَطّ وَرْ میره

ته گلْ ورقِ سلسلهْ مو خجیره ته باغِ بهشتِ رنگ و بو خجیره

تو شاهِ خجیرونی، خجیره ته نُومْ اِنشالّٰا فلک وُ چلْ بگردهْ ته کُومْ

بنیادِ سخنْ، نوم خدا خجیره نگارنده‌یِ ارض و سما خجیره

اُویِ زمزم، چاهِ زنخدون خجیره یارْ داره کسی، بو قدردونْ خجیره

تو خجیرۀ دوستی و خجیره ته خو تنه دِچشِ گوشه، نرگس پیون بو